ضابط مصري يضرب محامية بسلاحه ومغردون: "إرهاب دولة"

داهمت قوات من الرقابة الإدارية والأموال العامة، مدعومة بقوات من قسم شرطة مركز أبو كبير، في محافظة الشرقية المصرية، فجر الأربعاء الماضي، منزلاً للقبض على أحد المتهمين، فطلبت محامية قريبة له، الاطلاع على إذن النيابة العامة، فرفض ضابط القوة، واعتدى على المحامية بظهر سلاحه الميري على رأسها، فأصيبت إصابات جسيمة.

وأثار، الحادث سخط وغضب المصريين، على مواقع التواصل الاجتماعي.

كتب المحامي أحمد جمال: "نفسي أفهم الساده المحامين مستغربين ليه من بلطجة ضابط شرطة، ضد محامية أو محامي، ما دا حصل كتير، أقسم بالله ومحامين اتقتلوا ظلماً بسبب كبرياء باشا عديم الضمير، لأنه مش عنده نخوة ومحمي في بدلة حقيرة زيه، #الباشا ضرب الأستاذه عشان قالتله فين إذن النيابة، ما هو حمار مش فاهم قانون، هو اتعصب إزاي حد يسألني؟، إزاي أنا الباشا في بلد الباشوات والبهوات #متضامن_مع_اية_عبدالرحمن".

وكتبت عزة مطر: "محامية في الشرقية بتسأل ضابط فين إذن النيابة، راح ضربها في وشها بالمنظر السادي ده. المحامية حامل في الشهر السابع وفقدت بصرها من ضربته".

وعقبت بوكي: "عمق الجرح اللي مضروبة بيه المحامية، بيبين مدى قوة نار الغل اللي جواهم، اللي هو: "إنتي إزاي تتجرأي وتوجهيلي سؤال، إنتوا رعاع وبس" #محامية_الشرقية".

وعلق محمد حسان: "بلطجة أحد ضباط الشرطة على آية عبد الرحمن المحامية الشابة بالشرقيةـ نتج عنه هذه الإصابات الواضحة بالصورة .. لمجرد سؤالها للباشا الضابط عن إذن النيابة. فاكره إن القانون اللي تعلمته في كلية الحقوق موجود على أرض الواقع، ملحوظة إضافية آية حامل".

واستعادت ريحانة تصريحاً سابقاً للرئيس المصري عبد الفتاح السيسي في تعليقها على الواقعة: "ضابط يعتدي على آيه عبدالرحمن المحامية بأبوكبير، لما حملة جت تاخد عمها، سألته عن إذن النيابه ضربها بالمسدس، جابلها كسر بالجمجمة وانفصال في الشبكية، وهي حامل بالشهر السابع، وطبعا بعد ما #السيسي قالهم إنه مفيش ظابط هيتحاسب على أي شيء، حق آية هيضيع لأن بمصر مفيش حاتم بيتحاكم".

وبشكل موجز كتب مجدي كامل: "ماحدث في الشرقية #جريمة لا تغتفر وإرهاب دولة".