التلفزيون المصري يمنع مذيعة من ارتداء الكمامة

وكتبت شيرين عبر حسابها على موقع التواصل الاجتماعي "فيسبوك" قائلة: "أي منطق في مبنى التليفزيون المصري اللي مفيهوش أي نوع من أنواع التعقيم و لا تهويه و فيه عشرات الحالات اللي منعرفش هي فين أصلا يعني أنت محاط بمصادر عدوى مجهولة معظمهم من الفنيين وعمال نظافة وغالبيتهم بيخبو لحد ما يموتوا، ووسط كل ده في أسوأ وقت للجائحة".

وشرحت شيرين ما حدث قائلة: "في برنامج "الجيش الأبيض" اللي بستضيف فيه أطباء من مستشفيات عزل وحميات ومستشفيات جامعيه، يمنع ظهور المذيعة بالكمامة اليوم ويطلب مني ختام للحلقة قبل موعدها مع عدم ظهوري في الكادر آخر الحلقة عشان لابسه كمامة ورفضت اخلعها علماً بأن القانون بيلزم بارتداء الكمامة وبيفرض غرامه علي اللي مش لابسها يبقي أنا في أستوديو مش بيتعقم و مفيهوش أي تهويه صحية ومعظم الوقت التكييف شغال شمعه واحده تقريباً وبيني وبين الضيف أقل من مترين اللي هي مسافة الأمان ويطلب مني اخلع الكمامة عالهوا!! بتعليمات القيادات العليا في المبنى".

وأضافت "مع تنبيه بعدم ارتداء الكمامة عالهوا أو في أي برنامج في الوقت إلي كل القنوات أصبحت تستضيف ضيوف البرامج على سكايب ويبقى الخيار الوحيد يا تشتغل وتتعدي وتروح في داهية يا تقعد في بيتكو أكرم لك .. وضع مؤسف بصراحة".

وفي ردها على بعض متابعيها قالت شيرين، إنها ستذهب إلى مبنى ماسبيرو لتقديم حلقتها وهي ترتدي الكمامة "وإذا تم منعها ستقوم بتصعيد الأمر لأن ما يحدث غير قانوني وكفانا استهتاراً"، حسب وصفها.