السيسي يوجه الجيش بالإشراف على إنشاءات مدينة الأثاث بدمياط

وقال السيسي، على هامش افتتاحه بعض المشروعات بدمياط عبر تقنية "فيديو كونفرانس"، إن ما تشهده مصر حالياً يمثل طفرة كبيرة في كل المجالات، مستطرداً: "والله ما يحدث في مصر لا يخطر على بال أحد، وأنا بحلف... الناس بتتكلم عن غياب الأمل والحلم، ومش عاوزة تتغير... وقاعدة تتفرج على اللي بيحصل في البلد، وهي ساكتة... وماحدش بيحاول يغير المنكر"، على حد تعبيره.

وأضاف السيسي: "أنا بسجل لكم عشان تعرفوا اللي بيتعمل في المستقبل، وتعرفوا إن بناء الدولة بيكون كده... واللي إحنا بنعمله رغم تواضع الأرقام المدفوعة في هذه المشروعات... وبقول للإعلاميين إن الحكاية كبيرة جداً، وعشان كده لازم الإعلام يتصدى من خلال بناء وعي حقيقي، يستهدف الحفاظ على بناء مصر والمصريين.. هو أنتم لما تقولوا بنحبها، طب دليل حبكم إيه؟!".

وتابع: "الاستيقاظ مبكراً، والعمل من الخامسة صباحاً حتى الثانية عشرة ظهراً يجعل المواطن منتجاً أكثر من أي وقت آخر... وبقول لكل المصريين هي الناس بطلت تبطل تحلم ليه؟، اللي أنتم بتشوفه في مصر الآن أنا حلمته من سنين كثيرة... والعشوائيات اللي بنحلها دي حلم حلمته، وقلت من 40 سنة لا يمكن أن نترك الناس مرمية في الشارع كده... ولما جت الفرصة، وبقيت في مكاني، جريت على حلمي، وربنا مكني!".

وزاد السيسي: "كنت بحلم بعالمية الأثاث المصري، لكن البعض ما زال يستورد الأثاث للمصريين من الخارج، ليه يا بتوع دمياط ماعندكمش حلم؟ الدولة المصرية جادة في تطوير ودعم الصناعة، من خلال تجهيز الأراضي الصناعية، وتسهيل منح تراخيص المصانع للمستثمرين... وهذا الأمر كلف الدولة المليارات من الجنيهات، بما يحقق المزيد من فرص العمل، ويحرك الصناعة بشكل أكثر فعالية".

وواصل قائلاً: "مصر يوجد بها مائة مليون مواطن، وحجم الطلب على المساكن في ازدياد، ولدينا 14 مدينة جديدة سيتم افتتاح المرحلة الأولى منها منتصف العام المقبل.. وبالتالي هناك فرصة للعمل والإنتاج في السوق المصري، حتى لا نعتمد على استيراد الأثاث من الخارج... مدينة الأثاث في دمياط هاتعمل نقلة كبيرة في المنتج المصري، ليكون أكثر جمالاً وإتقاناً".

وزعم السيسي أن الدولة تتعامل مع ملفات "لم يتم التعامل معها منذ مائة عام، ومنها تطوير بحيرة المنزلة بالدقهلية بحلول عام 2021"، مستكملاً: "سيتم تطوير البحيرات في أنحاء الجمهورية حسب المواصفات العالمية، وهانرجع كل بحيرات مصر زى الكتاب بتاع بحيرات العالم المتقدم ما بيقول، مش زي ما كانت على أيامنا... البحيرات لازم ترجع زي ما كانت بتظهر في أفلام زمان!".

وعن تلوث بحيرة المنزلة، قال: "لو البوغاز (المدخل) اتنسى، ولم نطهره باستمرار سينخفض إنتاج البحيرة من المياه، وأي محافظ هو مسؤول عن تطهير البوغاز في البحيرات لديه عشان سير المياه يفضل زي ما هو... وبقول كده عشان دي بلدكم يا مصريين، مش بتاعتي أنا بس... مصر بتاعتنا كلنا، ولازم نخلي بالنا منها، ونبقى عارفين اللي بيحصل فيها، ونبقى مبسوطين بما يحدث"، حسب تعبيره.

وبشأن أزمة التكدس المروري بشوارع مصر الجديدة بالقاهرة، قال السيسي إنه سيتم الانتهاء من 4 كباري (جسور) بهذه المنطقة خلال 15 يوماً، وتسليم الكوبري الخامس في 30 ديسمبر/كانون الأول الجاري، مردفاً: "غيرنا 7.7 كيلومترات من مواسير المياه، والمنطقة ستشهد سيولة مرورية بعد انتهاء عمليات التطوير، كما أنه جار العمل في طريق (القاهرة - السويس) الصحراوي، والانتهاء منه في شهر فبراير/شباط المقبل".

وختم بقوله: "إحنا كنا بنتكلم في وضع اقتصادي كارثي عام 2016، واليوم الوضع أصبح أفضل... والدولة تعمل على تصويب البناء العشوائي، وتعمل على حل مشكلات الكهرباء والغاز ومياه الشرب والصرف الصحي، ويجب على الدولة والمواطنين احترام التخطيط المتكامل... والآن أصبحنا قادرين على تشغيل الكهرباء بكفاءة عالية، ونسعى لتوفير 30 مليون عداد مسبوق الدفع خلال عامين أو ثلاثة أعوام".