جدل مصري حول زحام المترو وجدوى #حظر_التجول

ورغم محاولات وزير المواصلات، كامل الوزير، نقل صور للمترو وهو فارغ ونفيه انتقال فيروس كورونا، إلا أن محاولاته لم تفلح في إيقاف هجوم المتفاعلين على الصور،  متسائلين "هو الزحام والتكدس بالنهار مابينقلش الكورونا؟".

وكتب "حمدي": "‏اللي يوجع أكتر في صور الناس اللي لسه بتنزل بالذات المترو، هي ملامحهم، لا مبسوطين ولا بيتحدوا حد ولا بيثبتوا حاجة بل فيه منهم بيحاول بائساً يحط إيده على وشه أو منديل أو رابط أي حاجة، يعني فاهمين ومرعوبين وكل الصوت واصلهم، بس معندهومش أي حل تاني، أتمنى نلحق نوصلهم الدعم بدل النصايح".

وغردت ميار أسامة: "‏بعد ما شوفت صور تكدس الناس في المترو والقطورات العادية قبل ما يتطبق حظر تجول بساعة... يبقى حظر التجول مش قرار صح بالنسبة للشعب... ربنا يعدي الأيام دي على خير ويسترها بجد".

وطالب صفوت: "‏بلاش والنبي بقى صور القطارات والمترو اللي هيعملوا زحمة والكلام بقه للناس والزفت، كده كده محدش وفرلهم بديل ولا عبرهم ومعندهمش حل تاني".

ونشر مجدي كامل صور الزحام معلقاً: "‏فضلوا يوم كامل يقولولي المترو فاضي ويعملولي منشن ويقولولي المترو جميل وزي الفل وانت بتنشر صور قديمة".

وقال أحمد السيد: "‏بالنسبة للناس اللي قاعدة تتريق على صور المترو والزحام هو مش جهل ولا استهتار ولا محتاج سخافة.. هما مرعوبين أكتر منك بس مش معاهم تمن قعدة البيت".

وتساءل سمير: "‏بعد صور زحام المترو.. كامل الوزير، وزير النقل يقول إنه لم تظهر حالة إصابة واحدة بفيروس كورونا نتيجة استخدام المواصلات العامة، وأنه يتم تطهير 120 مترو و300 قطار باليوم الواحد... بالذمة ده كلام واحد مسؤول... عوضنا عليك يا رب".

وعلقت عبير: "‏هيئة المترو: لا يوجد حالات مصابة بكورونا حتى الآن وتم زيادة عدد العربات لتخفيف الازدحام .. هيئة المترو بتكشف دلوقتي.. والله عال جدا".

وكتب عادل حسن: "‏اللي بيعلقوا علي صور الناس اللي بتركب المترو عاوز انبهك إنك ملكش حق تعلق وانت بتركب عربيتك وعندك حساب في البنك معيّشك كويس أو بيجيلك دخل من غير ما تحتاج تنزل من البيت اللي طبعاً هيكون في منطقة أرقى من إنك تركب مترو فعندك حل من الاتنين.. يا إنك تسكت أو إنك تتبرع للناس دي.. وغالباً هتسكت".
وسخر حساب "الشيخ مرسي": "‏‎‎كورونا عنده فوبيا من المترو.. مبيركبوش".