أماني الخياط: الشاي يزق #كورونا... ومصريون: بروفيسورة علم الهبد

وكتب عم ضياء: "‏‎فيه دراسة الإعلامية أماني الخياط قالتها: إن شرب الشاي بيساعد الفيروس لو كان واقف بالحنجرة ينزل على طول على الجهاز الهضمي، ومش هايدخل للرئة، هي تقريبا جايبة البحث من جامعة قهوة الفيشاوي بالحسين قسم الخمسينة، واضح القعدة في البيت هاتخليه يشوف الإبداع على أصله".

وعلق أحمد أبوالقاسم: ‏"البروفيسيرة في علم الهبد أماني الخياط، بتقول: إن ربنا حارس مصر بالشاي الساخن، اللي هيتخانق مع كورونا في الحنجرة وينزله المعدة بدل الجهاز التنفسي. بس كده لا محتاجين طب ولا علم ولا لقاح ولا حاجة خالص.. بس هي موضحتش الشاي فتلة ولا كشري. أنا جبتلها الرد الوحيد اللي ينفع في الفيديو".

وشارك محمد المصطفى: ‏"كلام مهم جدًا من ‎#أماني_الخياط، عن ‎#فيروس_كورونا ودور الشاي في مواجهة الفيروس، كلامها موجه للمصريين فقط.. إنا لله وإنا إليه راجعون".

وساخراً، كتب علي أحمد: "‏الشاي بيزق الفيروس؟! بس بلاش شاي الشيخ الشريب، عشان صحته على قده ممكن أحمد تي.. فعلا صدق اللي سمى أماني الخياط ترعة المفهومية.. لو فيه نية بجد لمواجهة كورونا لازم كل برامج التوك شو تتلغي أولا".

وعلق شامي: "‏أماني الخياط تعتبر من أهم الأدلة العلمية على إن الدنيا لا يحكمها المنطق، يعني بدل ما تمارس دورها الطبيعي في الحياة الذي خلقت لأجله، وتقف على أي ناصية شارع تبيع برسيم وخضرة، تقوم جهة ما مجهولة تتوسم فيها دور أكبر، ويجيبوها يعملولها برنامج ويدفعولها ملايين عشان تطلع تهرتل الهرتلة دي، فتأمل".

وغردت دعاء: ‏"ياختااااي وطلع الشاي هو اللي أنقذنا، الله يسامح الأخت الفاضلة، اللي قالت ماشربش الشاي أشرب أزوزة أنا، أكيد هي دي اللي جالها كورونا". وعلق محمد سالم: "‏وصل وصل وصل أماني الخياط: ربنا حافظ المصريين من كورونا عشان بيشربوا شاي كتير.. بيشربوا ايه يا عينيا ‎#برج_القاهرة".

Twitter Post

Twitter Post

Twitter Post

Twitter Post

Twitter Post

Twitter Post

Twitter Post