ساخرون: هل تقدم البنوك المصرية قروضاً لشراء حلوى المولد؟

"حلاوة المولد في متناول المواطن المليونير"، هكذا سخر المصريون على مواقع التواصل، عقب انتشار صور لحلوى المولد النبوي الشريف قبل فترة من حلوله، وهي معروضة في أحد محلات الحلويات الشهيرة، وقد تعدى سعرها 600 جنيه.

وجاءت معظم التعليقات في نفس السياق، في واحدة من المرات غير الكثيرة، التي تساوى فيها المعارض والمؤيد في السخرية من الأزمة، ماري علّقت "‏بلد فيها أزمة سكر بالمنظر ده، و ناس مش لاقية كيلو واحد، و في نفس ذات الوقت حلاوة المولد مغرقة الدنيا تيجي ازاي دي!"، وسخرت ندى "أسعار حلاوة المولد فى متناول المواطن تاجر المخدرات".

أما "بروميثيوس" فوجد الحل في المذهب السلفي "حلاوة المولد ب 600 جنيه، ده الوقت اللي المصريين هياخدوا بكلام السلفيين: الاحتفال بالموالد بدعة"، وتساءلت إيمي "‏حلاوة المولد ب600 جنيه في العبد، طب ممكن أدفع 30 جنيه وألحس الفاترينة بس".

وحاول علي حل الأزمة "عايز أقدم على قرض حلاوة المولد بعد الأسعار اللي سمعتها من حلواني العبد"، ووافقه سامح "حلاوة المولد أسعارها في متناول الجميع،  يعني بـ50 جنيه ممكن تاخدلك واحدة سمسمية ولا فولية وتمام عليك كده".

وتذكر محمد العلاوات الدورية للقضاة "حلاوة المولد 500 يا مصريين، خبر عاجل: صرف 3000 جنيه للقضاة بدل حلاوة المولد"، وربط أشرف بينها وبين ارتفاع أسعار الذهب "بعد ما الدهب غلي وبعد ما حلاوة المولد غليت، الواحد لا هيطول عروسة حقيقية أو حلاوة حتى، السنجلة جنتلة".

وتذكر عبد الله طلبة المدارس "حلاوة المولد السنة دي تحسها في مستوى الطالب المتوسط"، وتعجب حافظ "من كتر الدوشة اللي الناس عملاها على أسعار حلاوة المولد حسستوني إن أكل الحلاوة يوم المولد النبوي بقت سنة مؤكدة".

وسخر "ماجيكو" "بيقولك بنك مصر يعلن عن قرض حلاوة المولد لموظفي الحكومة والقطاع العام والخاص"، وكتب عمرو "أسعار علبة حلاوة المولد السنة دي في متناول أيد المواطن أحمد أبو هشيمة".