سخرية من قرار بتحصيل ثمن تذاكر القطار بالدولار من الأجانب في مصر

انتشرت السخرية والتساؤلات بين المصريين بعد تداول خبر في إحدى الصحف المحلية عن بدء تشغيل خدمة حجز تذكرة القطارات للأجانب، وتحصيل قيمتها بالدولار، واعتبرها المغردون استمراراً للسياسات الاقتصادية الفاشلة، وإضرارا بقطاع السياحة الذي يعاني منذ سنوات.

وقارن عمر ناصف: "السايح هايبقى بيختار بين مشروع بـ3 دولار بلوباص، وشركات نقل خاصة بـ5 دولار، قطر من 15 لـ50 دولار، 20 دولار دول ممكن ياخدوك من باريس لأمستردام".

وبسخرية علق الناشط حسام عرباوي: "أومال الجمهورية الجديدة تتعامل بالبلبل (في إشارة للجنيه المصري) يعني؟".

بدوره، غرّد الروائي إبراهيم عبد المجيد ساخراً: "ههههههههه ياجماعة والله أول حاجة تدي قيمة للعملة المحلية التداول بيها. يعني الأجنبي يحول فلوسه لمصري فيبقي للمصري قيمة".

سوشيال ميديا

التحديثات الحية

هيئة أميركية تدعو إلى التحقيق في بيع المخدرات عبر "سناب شات"

وقالت الفنانة التشكيلية رضوى أبو علم: "قابلت couple كنديين في رحلة من رحلات الصحرا، جايين مصر ولفوا فيها حتت ومدن إحنا يا مصريين ما روحناهاش، ودار حوار لطيف شمل سؤال ليه عربيات وأوتوبيسات من هنا لهناك، ما أخدتوش قطر ليه؟ وكان الجواب: آسفين وما نقصدش أي إهانة بس سمعة وأخبار السكك الحديد عندكم مرعبة. #خيال_وزير_فاشل".

وطرح قاسم أسئلة منطقية عدّة عن آلية تنفيذ قرار كهذا: "جري المسؤولين ورا الدولار بالشكل الساذج ده حاجة محرجة جدا! وهو الأجانب دول لو هايدفعوا بالجنيه هايجيبوه منين؟ ما هو لازم يشتروه بعملة أجنبية! وبعدين هاتحاسبهم إزاي بالدولار لو ليهم باقي؟ وهاتعرف منين الأجانب من المصريين؟ اللي هايشتري تذكرة بعد كده يشتريها بالباسبور؟".

وعلّق باهر: "هما كل يوم يطلعوا بإجراءات جديدة أغبى من اللي قبلها، على أساس إنهم كده بينقذوا ما يمكن إنقاذه، في حين إن الحلول واضحة لأيّ حد عاقل، اللي بيحكموا فشلوا واستمرارهم يعني مزيد من الفشل، لحد ما نوصل للانهيار التام، والحل إنهم يمشوا وكفاية اللي نهبوه، وييجوا ناس بيفهموا".

السايح حيبقى بيختار بين مشروع ب٣ دولار
بلو بص وشركات نقل خاصه ب٥ دولار
قطر من ١٥ ل٥٠ دولار ❤️ https://t.co/hxIbi5r2Nr

— Nassiiif (@Omar_Nassef) December 23, 2022

أومال الجمهورية الجديدة تتعامل بالبلبل يعني ؟ https://t.co/VrEIvna7Lr

— عمو حسام (@3arabawy) December 23, 2022

ههههههههه ياجماعة والله اول حاجة تدي قيمة للعملة المحلية التداول بيها . يعني الاجنبي يحول فلوسه لمصري فيبقي للمصري قيمة . https://t.co/ElvI0at8uf

— Ibrahim Abdel Meguid (@ibme_guid) December 23, 2022

قابلت couple كنديين في رحلة من رحلات الصحرا الغربية جايين مصر ولفوا فيها حتت ومدن احنا يا مصريين ما روحناهاش، ودار حوار لطيف شمل سؤال ليه عربيات واوتوبيسات من هنا لهناك ما أخدتوش قطر ليه وكان الجواب: اسفين ومانقصدش اي اهانة بس سمعة واخبار السكك الحديد عندكم مرعبة #خيال_وزير_فاشل https://t.co/KEBdRnSl4i

— رضوى أبوعلم (@RadwaAboAlam) December 23, 2022

جري المسئولين ورا الدولار بالشكل الساذج ده حاجة محرجة جدا!
وهو الأجانب دول لو هيدفعوا بالجنيه هيجيبوه منين! ماهو لازم يشتروه بعملة اجنبية!!
وبعدين هتحاسبهم ازاي بالدولار لو ليهم باقي؟ وهتعرف منين الأجانب من المصريين؟ اللي هيشتري تذكرة بعد كده يشتريها بالباسبور؟ https://t.co/9W9CXPa99A

— قاسم ويذ Q (@Al_Qasem) December 23, 2022

هما كل يوم يطلعوا بإجراءات جديدة أغبى من اللي قبلها على أساس انهم كده بينقذوا ما يمكن انقاذه، في حين ان الحلول واضحه لاي حد عاقل، اللي بيحكموا فشلوا واستمرارهم يعني مزيد من الفشل لحد ما نوصل للانهيار التام، والحل انهم يمشوا وكفاية اللي نهبوه وييجوا ناس بيفهموا

— Baher (@Baher) December 23, 2022