مصر: #وزير_التعليم و#محمد_صبحي يشغلان مواقع التواصل الاجتماعي

وصل اسم وزير التعليم المصري، طارق شوقي، إلى قمة القائمة الأكثر تداولاً على "تويتر"، بعدما انتقد وجود الأمهات على مواقع التواصل الاجتماعي، معتبراً أن المستخدمين يشكلون خطراً شديداً على الدولة المصرية.

وعلق شوقي أن الوزارة لديها "تحفظ شديد" على صفحة "اتحاد أمهات مصر للنهوض بالتعليم" على موقع "فيسبوك"، في حديثه مع قناة TEN الفضائية المصرية.

وتداول المغردون هذه التصريحات، فكتب أحمد شريف: "#وزير_التعليم لما المدرس ياخد 1200 جنيه والمدرس الأول بعد 13 سنة ياخد 1500 جنيه.. ولما دكتور الجامعة ياخد 4000 جنيه.. يبقى منتظر تعليم.. طب ما تدّي المرتبات دي للظباط والمستشارين وادّي مرتباتهم للمدرسين وهتشوف التعليم هيبقى إزاي... عُبط إحنا يا عصام!!".

وقال الجرجاوي: "وبالنسبة لـ70 درجة أعمال السنة اللي في إيد المدرس، اللي بسببهم عمّالين يبيعوا ويشتروا فينا، ومجبرين ندّي مع مدرس الفصل درس، حتى لو كان مدرس مش كفاءة عشان نضمن الدرجات وبس.. هو إنت كدا هاتقضي ع الدروس!! ده انت فتحتها لهم ع البحري".

وعلّق عبد الحميد الترزي: "#وزير_التعليم بدل ما يشوف شغله، ويحل مشاكل التعليم المتلتلة، ويثبت لمنتقديه إنهم غلطانين، بيتكلم عن الأمهات اللي معترضة، وماشي يشنّع عليهم فالصحافة #اتلهي #جتكم_الغم".

وأجابته سمر سعد لطفي، وهي من أعضاء الاتحاد: "كلامك صح يا وزير التعليم، الأمهات قاعدين على الفيس 24 ساعة، ودي صورة من اللي الجاليري على الموبايل ولست وحدي، إحنا بنلم المناهج ورا أولادنا، أطالب بتابلت لأولياء الأمور حتى تتسع ذاكرته لملازم ومذكرات لـ3 أطفال".

وشاركتها "أم أوجي" بمثال آخر: "#أمهات_مصر_خط_أحمر سيادة الوزير أمهات مصر اللي طالع عينهم في المذاكرة مع أولادهم، على استعداد يسيبوا الفيسبوك اللي حضرتك بتقول إننا عليه 24 ساعة، لو حضرتك وكل المسؤولين سيبتوا المكاتب ونزلتوا لأرض الواقع، وتشوفوا الولاد بيتعلموا وسط إيه، شوف المدارس والبيئة المحيطة عاملة إزاي، دي مدرسة المصرية المتكاملة للغات في مدينة قباء جسر السويس".

وعلى الجانب الآخر، ظهر اسم محمد صبحي في القائمة، بعدما حلّ ضيفاً على برنامج "كل يوم" للإعلامي وائل الإبراشي، والمذاع عبر فضائية ON E. وهنَّأ نجم "مسرح مصر"، أشرف عبد الباقي على ما قدمه للمسرح، قائلاً: "مش عيب إنك تقدم اسكتشات على المسرح"، وهو ما جعله محل سخرية رواد مواقع التواصل الاجتماعي الذين انتقدوا احتكاره ممارسة المسرح في البلاد ومحاولة الاستخفاف بأعمال فنانين آخرين بوصفها بـ "الاسكتشات".

فكتب محمد صلاح: "#محمد_صبحي هو فعلاً مسرح مصر لا يرتقي لكلمة مسرح، دي اسكتشات ويغلب عليها طابع الارتجال وليس النص، لكن يا محمد يا صبحي لا تلبس ثوب حارس الفنون والفضيلة، مش لايق عليك، ما أنت إلا إنسان منفسن وأقرب دور لشخصيتك الحقيقية قمت به ليس (ونيس) ولكن (علي بيه مظهر)".

وأضاف محمود عيسى: "كنت بعشق حد اسمه #محمد_صبحي، وكنت باتفرج على كل أعماله، لأني كنت شايفها كلها حاجات هادفة وبتبحث عن الحرية، لكن في نفس الوقت لقيت الأداة اللي بتمثل طلعت أداة فعلا، بتستخدم فقط وطلع منافق عادي وبيعرّض للنظام وللظلم، وطلعت الحرية في الأفلام والمسرحيات فقط، تبًّا لكم وصباح الخير يعني".

وغرّد أحمد: "للأسف أستاذ محمد صبحي، أوقات تمر بنا عواصف وضغوط ولكن لا نبيع مبادئنا، وكنت صاحب مبادئ غرزتها فينا، ولكن كله كان تمثيل مثل الشيوخ، صدّعونا بالأخلاق واكتشفنا إنهم تجار دين، الزمن كشف كل واحد تحياتي #محمد_صبحي".

وعن تصريح آخر كتب حسين ساخرا: "محمد صبحي عن (زيادة النسل): أي أمة سيتباهى بها النبي يوم القيامة؟ زيادة الإنجاب لدى الأسرة الواحدة يعتبر (انتقامًا غير مقصود من الدولة)، محمد صبحي 1 مصطفى بكري 0 #محمد_صبحي".