مصر توقف خدمات "أوبر" و"كريم"... في انتظار "خير تاكسيات الأرض"!
المغردون يتوقعون نزول تطبيق مواصلات يتبع الجيش(باو بارينا/فرانس برس)
تفاعل كبير شهدته مواقع التواصل مع قرار محكمة القضاء الإداري المصرية بمنع شركتي "أوبر" و"كريم" لتشغيل سيارات الأجرة عبر تطبيقات من العمل.
ووصل وسم #أوبر لقائمة الأكثر تداولاً، بمشاركات رافضة للقرار، وأخرى ساخرة ومتوقعة نزول الجيش للمنافسة، متسائلة: "هو الجيش هينزل بخير تاكسيات الأرض إمتى؟".
وبرر "جناب الكومندا" القرار على طريقته: "إيقاف شركتي كريم وأوبر لأنها تخل بنظام المواصلات في مصر.. وهو انك لازم يطلع عينيك في المواصلات في مصر بينما أوبر وكريم بتجيلك لحد باب البيت وده مخالف لأعراف المواصلات في مصر .. #اوبر".
وتوقع محمد عدة سيناريوهات للأزمة: "سيناريو حكم #أوبر و #كريم 1- هيتقدم طعن على الحكم 2- الطعن هيتقبل 3- مفاوضات مع الحكومة لتقنين أوضاعهم طبقا للقانون 4- هيشتغلوا عادي بس في جزء من أرباحهم وأرباح الكباتن هيبقى خاضع للقانون".
Twitter Post
|
وقالت مغردة أخرى: "طبعاً قرار وقف #أوبر و #كريم تجهيز للآپ الميرى. تتطمن على نفسك وولادك مع مين أكتر من خير سواقين الأرض! خير قاطعي أرزاق المصريين على الأرض.. وبالشفا على لاعقي البيادة بتوع تسلم الأيادي".
بدوره، تساءل أبو العز عن مصير صديقه: "واحد زميلي في الشغل باع اللي وراه واللي قدامه واشترى عربية صيني وساب شغله واشتغل مع #أوبر وكان بيشتغل كل يوم 10 ساعات عشان يحسن دخله ويبعد عن تحكم أصحاب الأعمال، النهارده القضاء الشامخ حكم بوقف عمل أوبر وكريم .. يا ترى حسام صاحبي حيعمل ايه؟ #مسرحية_بلحة_فشنك".
ومع صورة تاكسي مموه سخر عمرو الشريف: "القوات المسلحة تعلن عن النزول بخير تاكسيات الأرض وخير سواقين الأرض بدلا من أوبر وكريم"، وتوقع شريف أن يكون السؤال للتاكسي: "فاضي يا سيادة العميد؟". وقال خالد الخضري: "انتظرونا بعد أوبر وكريم مقدم مقاتل .. قائد خط عبود المرج يافندم. #خير_تاكسيات_الأرض".
كذلك، علق مدحت: "إيقاف أوبر وكريم! قريبا الوطنية.. خير تاكسيات الأرض". وغردت ناهد: "بعد وقف #أوبر وكريم في #مصر، نستنى خير تاكسيات الأرض... ما يحدث في #مصر من استيلاء على مقدرات البلاد والناس لن يغفره الشعب يوما ما سينتفض..".
Twitter Post
|
تابع آخر أخبار العربي الجديد عبر Google News
المزيد في منوعات
