دعوات لمقاطعة #التلفزيون_المصري لاستضافته #محمد_رمضان

وهاجم مغردون وبينهم مؤيدون للنظام، استضافة رمضان بعد الحملات لمقاطعته مع مغني المهرجانات، وكذلك مشكلته مع الطيار الذي تسبب في إيقافه عن العمل، مؤكدين أن الأولى كان استضافة أحد العلماء. ودشن مغردون وسمي #قاطعوا_وائل_الابراشي و #قاطعوا_التلفزيون_المصري.

وكتب علاء محمد: "‏مقاطعة لإعلام الفساد.. مشجع البلطجية ومقاطعة وائل الابراشي".
وغردت سارة الزبداني: "‏النهاردة وائل الإبراشي هيستضيف محمد رمضان ع القناة الأولى عشان أزمته.. لكن مش مجدي يعقوب اللي مشرف بلدنا مثلاً ! عشان إحنا دولة بتهتم بالعلم ومكارم الأخلاق طبعاً، فعادي تبقى أغاني المهرجانات تريند ومطالبنا لا! بس إحنا مش هنبطل. #امتياز_قصر_العينى_٢٠٢٠ #عايزين_حقوقنا".



ودعا أحمد سالم: "‏أولا قررنا أن نقاطع كل منتجات الشركات التى تعلن فى برنامج وائل الابراشي اليوم ولو أي شركة مسحبتش الإعلان سوف نقاطع الشركة.. من معي فى مقاطعة اعلانات الشركات التى تعلن فى برنامج وائل الابراشي".

كما تساءل رضا محمود حتاتة: "‏وائل الابراشي كان بيقول ان محمد رمضان وأمثاله بيعلموا أولادنا البلطجة والانحدار الاخلاقي.. كيف تستقبل برنامجك بعد كل ده هتدي له فرصة ولا تاخذ انت الفرصة".

وكتب حساب "كبرياء رجل": "‏‎#قاطعوا_وائل_الأبراشي كان الأولى الدكتور العظيم مجدى يعقوب خصيصا وأنها أولى حلقات برنامجك الجديد.. هناك نماذج مصرية كثيرة مشرفة وذات قيمة وتضيف إلى المشاهد ولك أيضا اختيار مؤسف للغاية. #قاطعوا_وائل_الإبراشي".

بينما وصفت هايدي مراد: "‏ومين يشهد للعروسة.. طبل يا إعلام الهشك بشك طبل. ‎#قاطعوا_وائل_الأبراشي". وفسر مينا: "‏الخلاصة.. ظهور محمد رمضان الآن هو لتهدئة الرأي العام ضده عشان فيلمه الجديد ومسلسله الجديد في رمضان.. عشان حاليا هو بيخسر عقود كتير جدا ولو حملة المقاطعة زادت الخسارة هتكون فاجعة له وللمنتجين.. فكان لازم يطلع للاعلام وممكن يكون دافع عشان يظهر .. لا تنخدعوا".

وعبرت سهير محمد عن حسرتها: "‏‎دفعت ليهم كام يا---- علشان يبيضوا وشك.. بالعكس معظم الشعب المصري قرف منك أكتر وللأسف الابراشي والمسؤول كمان استضافتهم انتم خليتوا معظم الشعب المصري بكرة يشوف قنوات بلدة بسبب للا ضمير ولا مسئولية.. ربنا ينتقم منك علشان موتوا فرحتنا بالقناة من أول حلقة".

وهاجم محمد الشريف: "‏لو كان عند مسئولى ماسبيرو نية جادة فى تطوير برامجه ومحتواها، لما أتوا بوائل الإبراشى على رأسها ليستهلها باستضافة البلطجي نمبر وان محمد رمضان.. أول القصيدة كفر.. ترحموا على ماسبيرو والأمل في تطويره".