#حقي_هيرجع ... مصريون يستعيدون روح ثورة يناير

قبل شهرين من الذكرى الثامنة لثورة 25 يناير، دشن رواد مواقع التواصل الاجتماعي، وسم #حقي_هيرجع، للتدوين عنها وحشد المؤيدين لها والتأكيد على وجود كل مسبباتها، وكان الأهم في الوسم إلى جانب انتقاد النظام، الإصرار على عودة الحقوق لأصحابها.

ومع صورة للرئيس المصري عبد الفتاح السيسي والمذيع أحمد موسى، كتبت مشيئة: "‏‎#حقي_هيرجع.. أما تختفي الوجوه السوداء". وغرد حساب ساخر يحمل اسم الرئيس عبد الفتاح السيسي: "‏متسول شحات كل المسميات دي ما تفرقش معايا طالما التلاجة محتاجة اشتغل أي حاجة وبرضه ‎#حقي_هيرجع".

وعن الحوادث الأخيرة لمصريين في الخارج تساءل حساب "وطن يعني سجن": "‏سحل طالبة مصرية في انكلترا حتى الموت!! سحل مصري في الأردن حتى الموت!! الاعتداء على مصرية بالأحذية في الكويت!! طعن صيدلي في السعودية حتى الموت!! ووزارتا الخارجية والهجرة في سبات عميق!! وفي الآخر تقولي ‎#حقي_هيرجع ؟". بينما اشترط محمد هاني: "‏‎#حقي_هيرجع لما حبل المشنقة يتلف حوالين رقبة بلحة".

ووجه صاحب حساب "الكمشوشي" رسالة: "‏‎#حقي_هيرجع.. أحب أقول لكل السيساوية احنا بنحب مصر اللي هيا بلدنا بس مبنحبش السيسي ولا بنحبكوا". وكتبت منى: "‏أنا عمري ما كان لي في السياسة بس شوفت شباب وبنات ورجال وأمهات اعتقلوا وقُتلوا وعُذبوا وأطفالهم تشردوا عشان يجيبوا حقي وحق كل مصري وقتها صممت ان ‎#حقي_هيرجع وحقهم كمان".

ودعا صاحب حساب "المد الأحمر": "‏‎#حقي_هيرجع.. ومن يسترجعه؟؟ أنت؟ عبر  الهواء؟ بالعالم الافتراضي؟؟ معارضه هواااء! لا تجيد إلا الفرقة كلامهم كلام وفعلهم كلام!! هل أدلكم على خير من ذالك، ضعفكم في تفرققكم ولو توحدتم لقويت شوكتكم وعسى أن يكون قريبا".

ونصح عبد الله: "‏‎#حقي_هيرجع لو الناس فاقت من الغيبوبة اللي هي فيها وكل واحد دور علي كرامته اللي اتهانت بره وجوه والغلاء وارتفاع الأسعار هو جزء من إهدار الكرامة ..انت لو ليك كرامة محدش حيقدر يعمل حاجة في أم البلد دي غير لما ياخد رأيك لكن انت جريت ورا شوية بطاطس و سبت كرامتك للصهيوني يلعب بيك وبيها".

وعن المعتقلين كتبت "السلطانة مانو": "‏‎#اغيثوا_معتقلى_برج_العرب.. ﺃﺧﻔﻘﺖالسلطات ﻓﻲ ﺇﺟﺮﺍﺀ ﺗﺤﻘﻴﻘﺎﺕ ﺟﺪّﻳﺔ ﻓﻲ ﻭﻓﺎت بعض المعتقلين داخل السجن!. #حقي_هيرجع".

وتساءل وليد: "‏‎#حقي_هيرجع.. تخيلو لما حد فينا يبقى جدو وحفيده يقوله يا جدو احكيلنا شوية عن زمان يا جدو ويقوله إنه كان عايش أيام حكم الcc جدو دا ممكن يحكي ايه وﻻ ايه وﻻ ايه". ولخص بدر: "‏‎#حقي_هيرجع لما نبطل السلبية ويكون هدفنا الايجابية".