الممثلة داليا البحيري تهدد بضرب المصريين "بالشبشب"

من حسابها الرسمي على موقع التواصل، فيسبوك، هاجمت الفنانة داليا البحيري، المواطنين الذين يخالفون تعليمات الحكومة المصرية، بشأن إجراءات الوقاية، ومنها حظر التجمعات، والنزول للشوارع، وذلك ضمن خطة مواجهة فيروس كورونا. 

حيث كتبت "حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا".

 على الجانب الآخر، وفي مداخلة هاتفية مع الإعلامية لميس الحديدي، قالت الممثلة زينة لمهاجمي استمرار تصوير مسلسلات رمضان "الناس عمالة تتريق علينا ويقولوا قفلوا الجوامع وكفاية تمثيل، طيب ما إحنا اللي هنسليكم احنا اللي هنسليكم". 

التصريحات غير المسؤولة من الفنانتين، قوبلت باستهجان وهجوم وسخرية على مواقع التواصل الاجتماعي.

الممثلة داليا البحيري تطالب بضرب المصريين بالشبشب (فيسبوك)

‏‎كتب حساب "من وحي اللحظة" على تويتر "داليا البحيرى: (اللى حيقولى العمالة اليومية حأديله بالشبشب)، طبعا براحتها .. فنباح الكلاب عادةً ما يُدوى في بهيم الليل وفى غيبة أهل الحق.. لتعلم داليا وأمثالها أن بهيم الليل سرعان ما يتبعه الفجر".

وعلقت نادية: ‏"أستاذة داليا البحيري بتقول اللي هيجيب سيرة العمالة اليومية، هديله بالشبب علي وشه، بصراحه حضرتك محتاجه تتعلمي إزاي تتكلمي عن الناس التعبانة المحترمة، اللي بتكسب فلوسها بعرق جبينها وبالحلال مش بالرقص والعُري والمسخرة في الشاشات"٠ 

وبسخرية كتب ميدو ‏"عمار يامصر، الشيخه داليا البحيري والشيخه زينة بينصحونا، حسبي الله ونعم الوكيل، ما أنتم ما اتعرفتوش إلا بينا، فلوسكم من مشاهدات الغلابة، دلوقتي خلاص مش ليهم لازمة"٠

وتساءلت سامية علام "‏شاطرة إنت كدا يا #داليا_البحيري؟، يعني واعية ومتفتحة ووطنية أكتر منا؟، الحمد لله ساعدتنا محنة كورونا والله، نكتشف بشاعة كل معدومي الإنسانية". 

وشارك مصطفى حمامصي "‏بيتحشر في ميكروباص ١٤ راكب، و بيروح يقف في طابور يقدم علي ال ٥٠٠ جنيه إعانه .. بيطلع أحمد موسى يصوره وهو واقف في الطابور، مراعي المسافات الآمنة، ويشيد بدور الدوله في تنظيم الطوابير .. بتشوفه داليا البحيرى في الميكروباص وهو راجع، بتجرى وراه بالشبشب". 

وغرد هتلر "‏آدي الوسط الفني اللي مش مقدرين إن في ناس حرفيا، مش لاقية تاكل، وداخلين علي شهر رمضان،  الست داليا البحيري بتقول أي حد هايقول عمالة يومية حتدية بشبشب ‎#بفلوس_المسلسلات_وزعو_تبرعات". 

وجاءت مشاركة زينب على هيئة طلب "‏ممكن حد يقول لزينة إنها تسكت بجد؟". 

وغرد عمر "‏الفنانة زينة ردًا علي مهاجمي تصوير مسلسلات رمضان: "إحنا اللى هانسليكم .. ليه هو أنتم لب؟، بصراحة إنتم إللي جيبنا لورا، واحنا أصلاً مستغنين عن هذة التسلية، الله الغني". 

وأضاف عبدالرحمن "‏لا والعجيب إنه الممثلة زينة، اللي بتموت من الضحك، بتقولك يا جماعة يا بتوع قافلين المساجد ليه والفنانين نازلة تصور عادي، بتقول إيه بقى، إحنا اللي هانسليكم في رمضان، لا أنا واحد عايز المسجد يسليني،  بتسلي لما أقرأ قرآن وبتسلي لما أصلي #بفلوس_المسلسلات_وزعو_تبرعات".