السيسي: ثمار الإصلاح لم تأت... وساخرون: خلاص بح

قال السيسي "يا ترى احنا اللي بننتج قمصانا وبنطلوناتنا؟"، فتساءلت كريستال: "‏بدون قلش، المفروض طبعاً نكون احنا اللي بننتجهم، ولكن إيه علاقة العمال بكدا؟! دا كلام يتقال في اجتماع سياسات مع السادة الوزراء المسؤولين عن وضع استراتيجية الدولة في التنمية‎".

وقال ‏السيسي "ثمار الإصلاح الاقتصادي لم تأت بعد"، فعلّق م. عمر "‏الله يبشرك بالخير.. طب والسنتين وبعد كدا 6 شهور.. كدا خلاص بح.. طب ولو الثمار دي مجتش هنحاسب مين.. مفيش تحديد.. خليها عايمة كدا وخلاص لحد لما الناس تنسى..".

وسخر إسلام "‏هو أنا قلتلكم هيبقى في ثمار إصلاح؟ آه، يقطعني".

‏‎وقال السيسي "مينفعش يبقى عندنا كل سنة 100 ألف خريج من كلية الحقوق"، فكتب مولا "‏‎هو انت عندك أي استراتيجية لربط متطلبات سوق العمل بالتعليم؟؟؟ بتلوم مين يا بلحة؟ دي خيبتك انت وحكومتك".

وشاركت أميرة "احتفالات إيه دي اللي سيادته مبيتكلمش فيها إلا عشان يوبخ الناس!! فالاحتفالات الدينية نصوصكم عنف ومليار ونص عايز يموت 7 مليار وفاحتفاليات الشباب اللي مفروض يسمعهم فيها يقولهم (اسمع الكلااام.. أنا بقوول) وف عيد العمال إحنا مش بننتج قمصانا وبنطلوناتنا والناس التخينة أكيد ما بتشتغلش".

وصرّح السيسي "المصريين جبروا بخاطري في ظل ما شهدناه من ملحمة في الأيام الماضية"، فعلّق حساب باسم حرية: "‏‎السيسي يُخرج لسانه للمصريين، فهو بعد أن ترك أجهزته الأمنية تهدد الموظفين وأصحاب المعاشات لإجبارهم على الذهاب إلى مراكز الاقتراع أو تهديدهم في رزقهم، وبعد أن كانوا يقبضون على الناس من الشوارع ويأخذونهم قسراً للجان، ثم يتجاهل كل ذلك ويتحدث وكأن المصريين توافدوا بمحض إرادتهم".

‏
كما قال السيسي "أنا لما أشوف اي واحد شغّال.. أبص لشكله أول ما ألاقي وزنه زيادة أقول ده ما بيشتغلش".‎

فكتبت مرمر جابر "إزاي إن اللي وزنه زيادة مبيشتغلش، ممكن تكون طبيعة عمله بتجبره إنه يكون قاعد ومش بيتحرك، إنت إزاي متنمر كده؟ الوزن عمره ما كان عائق ع الشغل والإبداع، زي صلاح جاهين وكامل الشناوي".

وشاركت الشيف سلمى "‏رايح في احتفال العمال يقولهم اللي وزنه زايد مش بيشتغل؟!!! ‎#ابهار".