الاستفتاء على دستور السيسي: كلما قل الإقبال زاد الرقص

مع بداية تصويت المصريين في الخارج، وعشية بدايته في الداخل، تفاعل رواد مواقع التواصل الاجتماعي مع الاستفتاء على تعديلات دستورية لنظام الرئيس عبد الفتاح السيسي، تسمح له بالبقاء في السلطة حتى 2030، فتصدر وسم #الاستفتاء قائمة الأكثر تداولاً.

ورغم الحملة الدعائية للمواقع والكتائب الإلكترونية، حول المشاركة المزعومة للمصريين في الخارج، التقط المغردون مواقف عدة لافتة، منها اختلاف بطاقات التصويت بين الدول، والتعليق على صور وزارة الهجرة عن تصويت نسائي في ميلانو، مع السخرية من ظاهرة الرقص في اللجان الانتخابية.

ولاحظ أسامة السيد: "‏كل أصحابنا اللي راحو أدلوا بأصواتهم في السفارات والقنصليات بيستلموا ورق مطبوع طباعة عادية لا عليه أختام ولا إمضاءات، بل وفيه ناس بتقول إن تسجيل الأسماء بيتم بطريقة بدائية للغاية، وشيء آخر مسخرة يعني. #الاستفتاء".

ومع نشره لصور لورق ملون وآخر غير ملون، كتب طارق: "‏يعني ايه نسخ من ورق الاستفتاء بالخارج ملونة ونسخ تانية متصورة بماكينات تصوير؟!! هو في عندكم نظام ولا ممشينها ازاي؟!! #باطل".

وغرد تامر سعيد المعروف ب"ثورة يناير نكسة يونيه": ‏كل اللي نزلوا وقالوا لا بيأكدو ان حتى السفارات ماكنتش عاملة حسابها.. ورق الاستفتاء متصور على ماكينة تصوير لا في رقم مسلسل ولا فيه بنود الاستفتاء.. كل حاجة بتقول ان السربعة دي وراها حاجة مخلياهم حتى مش عارفين يطبخوا المشهد كويس". وقالت نهى نجيد: "‏‎‎فاكر لما قالوا الورق ورقنا والدفاتر دفاترنا... فيلم الزوجة التانية أهو نفس المنطق كده... هتفرق يعني أهو كله منه وليه".
وانتقد إسلام أحمد: "‏أعتقد ان المفروض ورق استفتاء الدستور يكون مكتوب فيه المواد الجديدة والمعدلة لكن ورقة زى وصل الايجار كده، ده يدل على مدى العجلة والتسرع وانه فى أمر ما أكبر من موضوع الاستفتاء، ربنا يستر".

وعن الرقص المتوقع أمام اللجان كتب رماحي: "‏لا بجد يا جماعة احنا ليه بنرقص في الانتخابات؟ أو يعني ليه احنا الدولة الوحيدة اللي بترقص؟ المفروض الرقص بعد النتيجة ولا إيه؟، انك تحافظ على عقلك في مصر ده في حد ذاته#الاستفتاء". وتساءل صاحب حساب "أرسطو": "‏‎#الاستفتاء.. هل تم تحديد أماكن الرقص أمام اللجان؟".

وحاولت "بنت مصرية" معرفة: "ايه علاقة الرقص ب الانتخابات !! ‎#الاستفتاء"، ليجاوبها أحمد سعيد: "‏‏‎علاقة عكسية ...كل ما قل الاقبال زاد الرقص معروفة". وطالب إسلام أبو العينين، المواطنين: "‏‎#الاستفتاء.. ناموا بدري عندنا انتخاب تعديل الدستور وفيديوهات رقص ولجان فاضية وتريندات ياما". كما نشرت صفحة وزارة الهجرة المصرية صورة ادعت أنها لتصويت نسائي في الخارج، ادعت بعض الأذرع أنها للجالية المصرية بميلانو، ترتدي فيه المصوتات زياً موحداً، ليشن ناشطون موجة من السخرية على منشور الوزارة. 

وسخر أحمد ثروت: "سبحان الله لابسين زي بعض"، وتساءلت ماجدة زكاري: "ومالهم كلهم لابسين يونيفورم". وتوجه هشام أنور بسؤاله لوزارة الهجرة: "هو حضرتك الطقم اللي لابسينو بيتوزع فين وهل بالرقم القومي ولا من غير .. وشكرا". ولفت ميزو: "‏‎هما كل المصريين اللي في ميلانو محجبات؟ الله عليك يا فخر العرب .. والسواق لابس ممموه في ميلانو.. عادي جيشه هناك".