#ارحل_ياكيكي... يتصدر الترند بعد تصريحات السيسي بمؤتمر الشباب
أعرب السيسي عن زعله من وسم الرحيل (Getty)
دشن رواد مواقع التواصل الاجتماعي وسم "#ارحل_ياكيكي" الذي تصدّر قائمة الأكثر تداولاً "الترند" المصري، وهو النسخة الساخرة من وسم "#ارحل_يا_سيسي" الذي أعرب الرئيس المصري عن "زعله" منه.
وأطلق ناشطون الوسم الجديد، بعد يوم واحد من إطلاقهم اسم "عبد الفتاح الكيكي"، عن الرئيس المصري، عبد الفتاح السيسي، عقب دعوته وزير البترول لزيادة سعر البنزين بدعوى أن "الشباب بيعمل كيكي وميكي"، أثناء جلسة اسأل الرئيس على هامش مؤتمر الشباب.
وتساءل "الجنتل": "هو زعل من هاشتاج #ارحل_ياسيسي.. يا ترى هيحصل له إيه من #ارحل_ياكيكي؟".
Twitter Post
|
وغرد ميدو المعروف بـ"المرار الطافح": "#ارحل_ياكيكي.. شوفت شعبك يرقصون بجوار السيارات ولم ترنا ونحن نجري خلف الأتوبيسات وخلف المترو وخلف لقمة العيش ونلهث ولا نستطيع اللحاق بزيادة الأسعار اليومية.. غاز.. كهرباء .. مياه. #ارحل_ياسيسي".
وسخر عصام زكي المعروف بـ"ميزو" متقمصاً شخصية السيسي: "#ارحل_ياكيكي.. يا بشمهندس طارق زود سعر البنزين لو سمحت .. يا بشمهندس مصطفى زود سعر الكهربا لو سمحت.. يا بشمهندس محمد زود سعر المية لو سمحت .. يا بشمهندس علي زود سعر الخضار لو سمحت.. ده شعب عايم في مية البطيخ ومدلع علي الآخر".
وكتب خالد: "مين معايا هنعمل ثورة ضد كيكي؟ عايز أشوف كام مليون معايا استطلاع كام مليون معارض للسيسي ينزلوا التحرير. #ارحل_ياكيكي".
وفسرت نادوش الوسم: "والله عملنالك هاشتاج #ارحل_ياكيكي.. تدري ليش؟ لأنك بتنقمص".
وكتب محمد: "مش عيب والله .. الراجل شوية تقولوا له #ارحل_يا_سيسي.. وبعدها تقولوا #ارحل_ياكيكي .. ميصحش كده".
Twitter Post
|
وتساءل عمر الكردي المعروف بـ"من ظلمستان": "نفسي أعرف إيه هي الحاجة اللي لو عملها السيسي ممكن الكائن السيساوي يعترض ويقول لاء كدا غلط؟ دا عمل كل جرائم الخيانة العظمى ولسة بيقولوله كمان! معقول الكائن السيساوي واصل بيه الحالة إنه لاغي حاجة اسمها مخ وتفكير ومنطق بالدرجة الفظيعة دي؟ والا هو علشان لاغيهم بقى سيساوي؟ #ارحل_ياكيكي".
تابع آخر أخبار العربي الجديد عبر Google News
المزيد في منوعات
