مصريون: #فلوسنا_بتروح_فين؟ على قصور وسفريات السيسي

وكان الوسم دشنه أساساً طلاب، للشكوى من ارتفاع مصاريف الجامعات والمدارس، بالتزامن مع قرب موسم العام الدراسي.

وهاجم ناشطون عبر الوسم الذي تصدر قائمة الأكثر تداولاً على موقع "تويتر" في مصر سياسات النظام الاقتصادية، برئاسة عبد الفتاح السيسي، واختصروها ساخرين "شخلل علشان تعدي".

وكتب محمود العراقي: "‏يا ريت على مصاريف الجامعة بس... كل حاجة بقت استغلال في استغلال لغاية ما هيحولوا شخصك لمستغل تستغل الناس عشان تعرف تعيش. #فلوسنا_بتروح_فين".

وسخر السعدني صابر: "‏‎#فلوسنا_بتروح_فين؟ بتتسرق مننا بطريقة جميلة جدا".

ووصف أبو أحمد: "‏‎#فلوسنا_بتروح_فين؟ أولا نحاسب على فاتورة المؤتمرات والسفر والرحلات. ثانيا مرتبات الجيش والشرطة. ثالثا الهيئات والوزارات. رابعا إنتوا عايزين الحكومة تكون ماما وبابا لازم تعرفوا أن الشعب مديون ليه من غير ليه هتدفع هتدفع إحنا مش في طابونة. الشعب لازم يدفع".

وغردت حبيبة عبد الرحمن: "‏#فلوسنا_بتروح_فين ‎#مصر_منهوبة من عصابة انقلابية استولت على خيرها وأعطته لغيرها. #فين_فلوس_منجم_السكري؟ ما الفائدة التي ستعود على محدودي ومعدومي الدخل من بناء عاصمة إدارية؟".

وسخر محمد كمال: "‏‎#فلوسنا_بتروح_فين لا أبدا إحنا كناس مسرفين حبينا نزين البلد بالأرصفة البلاستيكية اللي اتكسرت قبل ما تركب والمؤتمرات الهادفة اللي شكلها حلو في التيليفزيون وتطوير الطرق لمدن غير آهله بالسكان وديزني لاند للغلابة والتاب للتعليم الممتاز والعديد من المشاريع العملاقة لهذا البلد المتقدم".

وقال مصري: "‏‎#فلوسنا_بتروح_فين؟ القصور والمؤتمرات ورفاهية سيادته ‎#السيسي".

أما فاطمة نبلاوي فكتبت: "‏‎#فلوسنا_بتروح_فين؟ بتروح في الضرايب أنا أي مكان بدخله بقيت أدفع ضرايب. والله دخلت محل بتاع كافرات موبايل دفعت، دخلت مطعم أو كافيه دفعت، سوبر ماركت دفعت. حتى تذاكر النوادي عليها ضرايب".

ولخص صاحب حساب "كدة رضا": "‏‎#فلوسنا_بتروح_فين؟ بتخدها على شكل مرتب بما يرضي الله... وناخدها منك على شكل كهربا ومياه وبنزين وغلاء أسعار بما لا يرضي الله".