الأذرع المصرية تتجاهل ضحايا الهجرة غير الشرعية... وموسى يهاجمهم: "سايبين الإنجازات؟!"

رغم مرور أيام على الحادث، تجاهلت معظم الأذرع الإعلامية التابعة لنظام الرئيس المصري، عبد الفتاح السيسي، التعليق على مقتل 11 شابا مصريا، من قرية تلبانة التابعة لمركز المنصورة في محافظة الدقهلية، إثر غرق القارب الذي كان يقلّهم مع آخرين في اتجاه إيطاليا قبالة السواحل الليبية، أثناء محاولة هجرة غير نظامية.

واكتفى المذيع المقرب من الأجهزة الأمنية أحمد موسى بمهاجمة الضحايا وعائلاتهم، في إطار وصلة من التطبيل لإنجازات النظام، وقال في برنامجه "على مسؤوليتي" على فضائية "صدى البلد": "البلد هنا نجحت من سبتمبر 2016، في منع خروج أي سفينة هجرة غير شرعية لأوروبا والعالم كله أشاد بنجاح الرئيس عبد الفتاح السيسي في وقف الظاهرة دي، ومن يومين سمعنا إن فيه مركب في 11 شاباً غرق في مركب، إزاي بقى ناس زي دول وأهاليهم يجمعوا فلوس، ويعدوا الحدود بصورة غير شرعية".

سوشيال ميديا

التحديثات الحية

حزن بين المغردين على مصرع 11 مصرياً غرقوا في رحلة هجرة غير شرعية

وأضاف: "مصر فيها فرص عمل لم تحدث قبل الآن، وعندكم جنبكم في المنصورة الجديدة مشروعات فيها فرص عمل، وعندنا آلاف فرص العمل في آلاف المشاريع". وتساءل موسى: "هو برة هياخد كمان وبرة أصلا ما فيش شغل ولا فرص عمل، وعندكم مشروع حياة كريمة جنبكم اشتغلوا فيها وخدوا فلوس، وفي كل قرى مصر في تلبانة وغيرها فيها فلوس".

وزاد موسى من هجومه وتهكمه: "بلادنا اللي نجحت من 5 سنوات توقف الهجرة غير الشرعية تروحوا إنتوا تاخدوا مركب وتغرقوا، هو حد النهاردة بيسأل فيهم غرقوا فين، وفيه أعداد كتيرة مختفية ومش معروف مصيرها، وكل العالم والشركات الكبرى بتستثمر في مصر، وبرة مش هيشغلك، ولا هيشغلك إيه طيار مثلا؟".

هجوم موسى على الضحايا انتقده مغردون بشده، متسائلين عن سبب مخاطرة الشباب بحياتهم، وعن الحياة الكريمة والاستثمار والمشاريع التي يتحدث عنها.

وكتبت سناء: "‏أحمد موسى بيقولك ليه تهاجر وتعرض نفسك للموت في البحر وانت جنب بيتك ملايين من فرصة العمل في مشروع حياة كريمة.. انت رحت طلبت عمل وحد قالك لا؟ ياراجل؟‏ بس ماقالش فين الشغل دا؟ ولا نروح نقف على أنهي كوبري ونستنى!".

احمد موسي بيقولك ليه تهاجر وتعرض نفسك للموت في البحر وانت جنب بيتك ملايين من فرصة العمل في مشروع حياة كريمة انت رحت طلبت عمل وحد قالك لا؟؟🙂
ياراجل؟؟

— Sᑎᑎᗩ (@snnawnnas) August 29, 2021

‏وهاجمه "تيتو": "أحمد موسى بيهاجم الشباب الي مات غرقان في البحر وأهاليهم وبيقولهم انتوا سايبين فرص العمل المحترمة والحياة الكريمة الي عملناها ورايحين تهاجرو .. هي كريمة دي ملهاش أهل يسألوا عليها".

وتعجب صاحب حساب "دكتور شديد أوي": "‏أنا ما شوفتش أحقر من أحمد موسى.. بدل ما يعزي في الشباب اللي غرقوا في الهجرة غير الشرعية بيهاجمهم ... هما فعلاً أهاليهم غلطانة بدل ما كانت تعلمهم في المدارس كانت تعلمهم العوم".