ارتباك إعلام السيسي لتبرير حريق #عمارة_الدائري: الثورة والإخوان

سادت الأذرع الإعلامية لنظام الرئيس المصري عبدالفتاح السيسي، حالة ارتباك، بسبب استمرار الحريق الهائل الذي نشب في مصنع ومخزن أحذية، يقع أسفل عقار سكني متاخم للطريق الدائري، بالقرب من شارع الأهرام السياحي بمحافظة الجيزة، بعد 4 أيام من فشل الدفاع المدني في إخماد الحريق، ما تسبب في مشاكل مرورية على الطريق الدائري، وإحراج السلطات، وانتقاد مغردين لها لفشلها في إدارة الأزمة.

وبين استحضار شماعة "الإخوان"، ومهاجمة المحليات، حاولت أذرع النظام نفي التهمة عنه، عقب فشله في محاسبة المخالفين لقواعد البناء، أو الحماية المدنية، أو فساد المحليات.

إعلام وحريات

التحديثات الحية

الإعلام المصري والعبث بـ"قيم الأسرة": صحوة متأخرة

وأشار المذيع المقرب من الأجهزة الأمنية أحمد موسى على فضائية "صدى البلد"، بإصبع الإتهام إلى جماعة "الإخوان"، وقال: "المبنى كان 13 دور وزود 3 أدوار عليه مبنيين في 2013، في عهد الإخوان وماكانش فيه نظام كان فيه فوضى".
ثم تطرق لاتهام ثورة يناير بالقول: "وتم بناء عشوائي في 2011 و 2012 و 2013،  اتبنى بيوت قد إيه وأبراج قد إيه لأن ماكانش فيه حد بيحاسب ولا كان فيه دولة أصلا، ولازم دلوقتي الدولة رجعت ونوقف البناء العشوائي".

أما عمرو أديب في برنامجه "الحكاية" على فضائية "إم بي سي مصر"، فهاجم المحليات وحاول الدفاع عن قانون التصالح، قائلا: "قانون التصالح مش معناه إني أدفع غرامات عن دور زيادة أو بدروم غير مطابق، ومالوش دعوة إزاي أعمل مصنع مافيهوش إجراءات للحريق والدفاع المدني وأعمل عمارة فيها قنبلة موقوتة".

وحذر أديب: "العمارة لو وقعت هتقسم الطريق الدائري اتنين، غير كدة نسأل بقى عن المحليات والحملات اللي المفروض تروح وتقفل وتقول ده صح وده غلط وتشمع وتقفل، والدولة لازم تقوم بدورها وإزاي الراجل عمل الكلام ده وماحدش عمل له حاجة؟"، ودعا أديب المصريين إلى التعاقد مع شركات التأمين لتعويض مثل هذه الحوادث.

على مواقع التواصل الاجتماعي، حاول مؤيدو النظام الدفاع عن الدولة واتهام صاحب العقار بالمسؤولية، في حين تساءل مغردون عن دور الدفاع المدني والجيش وطائراته، خاصة التي شاركت في إخماد حريق في الكيان الصهيوني منذ سنوات.

وسخر خالد من موسى: "‏التحليل اللي مش هتلاقي ليه مثيل.. حرامي البط (أحمد موسى) يرجع حريق عقار الدائرى المكون من 16 طابق انه تم بناءه 2013 وقت وجود الاخوان.. يعني 6 طوابق مخالفة.. وطبعا مقلش ليه اتساب كل الفترة دي. #يوميات_موسوية".

وتساءلت زنوبيا: "‏معلهش سؤال هي عمارة كرداسة الشهيرة بعمارة فيصل أو عمارة الدائري الشقة فيها مساحتها كام؟ 108 شقة في 15 دور يعنى قد الدور الواحد كام شقة؟ ده حاجة ولا العمارات الكوري الاقتصادية.. اللي شاف Sweet Home هيفهم قصدى ايه".

معلهش سؤال هى عمارة كرداسة الشهيرة بعمارة فيصل او عمارة الدائرى الشقة فيها مساحتها كام ؟ 108 شقة فى 15 دور يعنى قد الدور الواحد كام شقة ؟ ده حاجة و لا العمارات الكورى الاقتصادية " اللى شاف Sweet Home" هيفهم قصدى ايه

— Zeinobia is at home 🏡 (@Zeinobia) February 2, 2021