‏‎#قولوا_للسيسي: بتحكمنا بقوة السلاح... ارحل

وجّه رواد مواقع التواصل الاجتماعي في مصر رسالة إلى الرئيس عبد الفتاح السيسي، عبر وسم "#قولوا_للسيسي" الذي تحول إلى منصة غضب ضد سياساته ونظامه، وصلت للمطالبة بثورة ضده ورحيله.

وكانت الرسالة التي وجهها خالد محمد: "‏‎#قولوا_للسيسي إنت بتحكمنا بقوة السلاح".

ووصف محمد طاهر الوضع: "‏‎#قولوا_للسيسي، وتلقى هيصة وتبقى زحمة.. والقتل فيها يبقى سهلا لأجل لقمة.. انقلاب يعني فقرا ذلا هوانا خضوعا.. يعني كل الناس تجوع.. الأكل من حق الديابة والضباع.. يعني بيموتوا السباع والشعوب تصبح رعاع.. يعني يتذل الكريم ويمد إيده للئيم.. علشان ولاده مايصبحوش في يوم جياع.. انقلاب يعني الضياع في الانقلاب".

وغرد حساب "مطلوب زعيم": "‏الأجيال القادمة هتلعن فينا بسببك، احنا بندمر الأجيال القادمة بسكوتنا. #قولوا_للسيسي".

وعن صلاة الجمعة في "مسجد الفتاح العليم" كتب السيد بنجر: "‏‎#قولوا_للسيسي صلاة الجمعة بقت زي برامج (التوك شو) بيختاروا الشباب اللي بيسندوا مع المذيع قصدي الخطيب.. اللي هو واد حداثي (كيوت) والمرة الجاية هيتخللها مداخلات وتصفيقات وقهقهات ومقاطع فيديوهات.. يخرب بيت اللي بيجيب لكم المخدرات".

وهتف صاحب حساب "مصري حر": "‏‎#قولوا_للسيسي.. قولو للسيسي واللي معاه جبنا آخرنا وعهد الله".

وكتبت أم لياد عن الصب في المصلحة جديد: "‏كنت عايزة أبلغكم أن رسوم النضافة اللي بتيجي على فواتير الكهرباء هتزيد خمسة أضعاف.. والسلام عليكم ورحمة الله وبركاته. #قولوا_للسيسي".

وغردت سناء السيد: "‏‎#قولوا_للسيسي مهما أطلقت كلابك السيساوية وإعلامك علينا.. ومهما المخابرات نشرت ذبابها الإلكتروني.. ومهما بن زايد اتدخل في تويتر ومنع هاشاتنا من دخول الترند.. مش هتقدر تمنعنا نكون احنا الإعلام وننشر فضايح كل الأنظمة الخونة وحكامها في كل البلاد العربية وهتفضل كلمتنا تزلزل عروشكم وكراسيكم".

وبعد آخر قرارات السيسي تساءل "بوخارست": "‏السيسي يصدر فرمانا بعدم سفر موظفي الدولة بدون إذن منه شخصيٱ.. إمتى حيمنع الملوخية؟ #قولوا_للسيسي.. غور".

وسخرت فاطمة: "‏أنا رأيي لون الطوب الأحمر أحسن بكتير من اللون الواحد اللي هايدهنوا بيه العمارات وخصوصا إنه هايبقى من غير محارة بطريقة الرش على مذهب ليّس ليّس كله كويس.. طب اقفلي دلوقتي يا حبيبتي عشان فيه ‎#سبوبة_دهانات دخلت عليّا. #قولوا_للسيسي".

وكتب محمد العربي: "‏‎#قولوا_للسيسي أفرجوا عن البنات.. حبس البنات عار وخيانة".