هدم جبانة المماليك يثير غضب المصريين: "شيل النسر وحط بلدوزر"

اجتاح غضب كبير مواقع التواصل الاجتماعي بسبب البدء في هدم منطقة "جبانة المماليك" في العاصمة المصرية القاهرة، المعروفة بمقابر المماليك أو القرافة، بما فيها من مقابر تاريخية وآثار إسلامية تعود لنحو 5 قرون، لإنشاء "محور الفردوس".

سأل هاني راجي ‏"هل يمكن أن يخرج علينا مسؤولو الآثار ومحافظة القاهرة بتفسير للصور والأخبار المتداولة عن تحطيم قبور ومبانٍ أثرية نواحي الفسطاط لإنشاء طريق أو كوبري؟ ما التصريح الرسمي؟ لنفهم؟".

فأجابه إبراهيم عبد المجيد: ‏"ولا حد حيتكلم. ولو اتكلموا حايقول لك مش آثار رغم إن كل اللي يعرفها بيقول مدونة في اليونسكو. هدم آثار ونبش قبور لأسماء تاريخية. عادي. التاريخ بيبدأ مع البلدوزر".

وشاركت زينب: "‏واحد يقول لي خرابيط وأهدّ الهرم علشان كوبري، والتاني يقول نهد المباني كلها ونبني أبراج، والتالت يقول لي إني بأولول وعايزة عشوائيات!! أنا صحتي على قدي، طبعا الأخ اللي من بلد عربي شقيق، اللي عايز يهد الهرم للتنمية ياخذ جائزة الرد المستفز لليوم".

وغرد حساب باسم البديل: ‏"مصر بتتباع وتتهدم آثارها وتاريخها، بالمكشوف عيني عينك وإن كان عاجبك".

واقترح حساب باسم هليوبوليس: "‏هما يشيلوا النسر من على العلم، ويحطوا بلدوزر أوقع".

علوم وآثار

التحديثات الحية

تدمير ملامح القاهرة: البلدوزر" يدهس الحجر والآثار في مقابر المماليك

واستكمل عاصم: ‏"الحكومة بتهدم مقابر المماليك الأثرية اللي بقالها مئات السنين! عشان تعمل طريق أسفلت اسمه محور الفردوس، أي دولة في العالم لو عندها الكام مقبرة اللي اتهدوا دول، كانت عملتهم متاحف مفتوحة!".

وسخر محمد راشد: "‏زي ما هو التعليم لا ينفع في وطن ضايع، برضه الآثار لا تنفع في وطن جائع، لم يرحم المصريين أحياء أو أموات. هدم مقابر ترب الغفير وصحراء المماليك لأجل شبكة طرق تمسك مصر كده، نفس ما حدث في قبر المقريزي ومقبرة ابن خلدون، لك الله يا مصر".

وكتب أحمد: ‏"من الحاجات اللي فخور بيها إننا في Get360.org، وثّقنا كتير من الآثار في أماكن مختلفة في مصر من ضمنها الجبانة. ومن الحاجات اللي زعلان عليها إننا مش هانلحق نوثق كل حاجة". ‏

هل يمكن ان يخرج علينا مسؤولي الاثار ومحافظة القاهرة بتفسير للصور والاخبار المتداولة عن تحطيم قبور ومباني اثرية نواحي الفسطاط لانشاء طريق او كوبري؟ ما التصريح الرسمي ؟ لنفهم؟

— Hany Ragy (@Hragy) July 20, 2020

ولا حد حيتكلم . ولو تكلموا حيقول لك مش اثار رغم ان كل اللي يعرفها بيقول مدونة في اليونسكو . هدم اثار ونبش قبور لاسماء تاريخية . عادي . التاريخ بيبدا مع البلدوزر https://t.co/xfEGY8qJBo

— Ibrahim Abdel Meguid (@ibmeguid) July 20, 2020

واحد يقولى خرابيط و اهد الهرم علشان كوبرى و التانى يقول نهد المبانى كلها و نبنى ابراج و التالت يقول لى انى باولول و عايزة عشوائيات !! انا صحتى على قد
طبعا الاخ اللى من بلد عربى شقيق اللى عايز يهد الهرم للتنمية ياخذ جائزة الرد المستفز لليوم

— Zeinobia is at home 🏡 (@Zeinobia) July 19, 2020

مصر بتتباع وتتهدم اثارها وتاريخها بالمكشوف عينى عينك وان كان عاجبك

— んodﾑ3آلُٻڊيَلُ (@Checkidodo) July 20, 2020

هما يشيلوا النسر من على العلم ويحطوا بلدوزر اوقع https://t.co/yNyJYCUZZ3

— Uncomfortably Numb (@HeliopolisOne) July 20, 2020

زي ماهو التعليم لا ينفع في وطن ضايع برضه الاثار لا تنفع في وطن جائع لم يرحم المصريين أحياء أو أموات..هدم مقابر ترب الغفير وصحراء المماليك لأجل شبكة طرق تمسك مصر كده✊
نفس ما حدث في قبر المقريزي ومقبرة ابن خلدون
لك الله يا مصر😭🥺😞 pic.twitter.com/rMbd4vjoOb

— mohamed rashed (@mrashed57) July 20, 2020

من الحاجات اللي فخور بيها اننا في https://t.co/jSLWNfdu3p وثقنا كتير من الآثار في اماكن مختلفة في مصر من ضمنها الجبانة. ومن الحاجات اللي زعلان عليها اننا مش هنلحق نوثق كل حاجة https://t.co/x6qxsfRZtB

— باشطاق الأزرق (@AhmedEishra) July 20, 2020