كتب أحمد أحمد: "السيسي للمواطنين: اطمئنوا أزمة كورونا تدار بشكل احترافي في مصر، وزير التعليم العالي والبحث العلمي في نفس الجلسة: يجب عدم المراهنة على قوة المنظومة الصحية في مصر. أنا رايح فين أنا راجع تاني".
واستكمل كمال بيه ساخراً: "أهو أديكوا شايفين مين اللي بيطمن الناس، أظنه كله كويس وطبيعي! سلامات يا وعي".
وتساءلت ماريان: "طالما إن الحال عال العال، والمشروعات القومية إسهال بالبلد، لماذا القروض من صندوق النقد الدولي والرسوم الإضافية والخصومات من الشعب؟".
وقال السيسي: "حجم كثافة الحركة بالإسكندرية كبير ونجهز المحافظة لمشروعات"، فتوقع عبد الودود: "في ريحة كباري"، ومصححاً كتب مؤمن: "تقصد في ريحة قروض جديدة، ومصالح وفساد وبيع أراضي بالأمر المباشر".
وقال السيسي: "الأمن مش إنك تمسك إرهابي، لكن تمنع فاسد من أن يفسد في الأرض" فسأله جون: "طب والقصور! والألماس! والجزيرتين!؟".
واقترح كامل البيطار: "باقولك إيه ما تبني لنا أكبر مستشفى في مصر وسميها المعالج العليم!!".
وتحدث السيسي عن المباني المخالفة فقال: "هو احنا هنجري ورا العشوائيات طول عمرنا؟؟ 10 آلاف مخالفة يبقى 10 آلاف إنسان مقبوض عليه".
فعلّق عابر سبيل: "الفساد جوه بيته وعايز يطبقه على الغلابة فحسب، يدور على هوامير الجيش في الفساد، في مواد غذائية واستيلاء على أراضي الدولة، والمدن الجديدة حتى ميدان رمسيس، هل من حقه يستولي عليه ببناء أكشاك بيع؟".
وشارك تيتو: "السيسي عن هدم 35 مسجداً في الإسكندرية إزاي تبنى جوامع في حاجة مش بتاعتك..طب إزاي الجيش يستولي على أراضي مش بتاعته.. وإزاي الجيش يستولي على محاجر مش بتاعته.. وإزاي الجيش يستولي على عماير مش بتاعته.. وإزاي الجيش يستولي على اقتصاد مش بتاعه!!".
ووجّه السيسي للشعب المصري نصيحة لمواجهة فيروس كورونا بممارسة الرياضة وتناول الأطعمة والأدوية التي تقوي المناعة. فعلّق محمود ساخراً: "كلوا أورغانيك، وتريضوا في النادي سباحة وركوب خيل وجرى في التراك لزوم شد الجسم والتخلص من الترهلات... شغلوا التكييف في الحر، ودايماً اعمل تشيك مع طبيبك الخاص باستمرار... مش كل حاجة لازم الريس يفكرنا بيها مايصحش كده.. شعب كسول مترهل مفخد أنتوخ صحيح".
ووجّه أحمد تغريدته للجان والمطبلين: "هو بنفسه قال ماعندناش تعليم جيد ولا صحة ولا علاج جيد، ولا إسكان جيد، وعندنا إرهاب وعندنا بطالة، تيجي إنت تقنعني إنه عامل إنجازات؟ طيب اقنعه هو الأول؟!!".