زيادات #كروت_الشحن تعيد تسريبات السيسي للواجهة

بعد إعلان "الجهاز القومي المصري للاتصالات" عن زيادة أسعار بطاقات الشحن (كروت الشحن) للهواتف المحمولة للشركات الأربع المشغلة بنسبة 30 في المائة، انهالت التعليقات على مواقع التواصل الاجتماعي، ليتصدر وسم "#كروت_الشحن" قائمة الأكثر تداولاً على موقع "تويتر" في البلاد، في ظل غياب لافت لكتائب النظام الإلكترونية.

ونشر ناشطون مقطع فيديو قديم مُسرب للرئيس المصري، عبدالفتاح السيسي، في دار الحرب الكيميائية، تحدث فيه عن فرض رسوم إضافية على الخدمات المقدمة للمصريين كافة، وقال "لو حكموني هخلي اللي بيتصل يدفع واللي بيسمعه يدفع، طالما إنتوا عندكوا استعداد تدفعوا للتليفونات من 7 لـ 8 مليار كل سنة، وساعات يقولك 17 مليار، طب ما تخليهم 25 مليار، والـ 7 مليار دول نبني بيهم البلد".

وسخرت سحر عزيز من صيغة الخبر الذي نشرته الحكومة "الجهاز القومي لتنظيم الاتصالات: أسعار #كروت_الشحن مش هتزيد بس قيمة الرصيد الممنوح للكارت هتقل بنسبة 30%. حلوة الصيغة دي #اوصف_حالك_فمصر".

واقترحت سما "النهارده الخميس يعني يوم الصب في مصلحة المواطن، زيادة أسعار #كروت_الشحن، احنا نلغي يوم الخميس من الأسبوع ملوش لازمة".

وربط "هوبا": "‏مش غريبة شوية إن بعد ما المصرية للاتصالات تنزل we 015 بأسعار رخيصة مكالمات ونت ينزل خبر زيادة #كروت_الشحن؟!".

وغرد حساب ساخر يحمل اسم السيسي "بعد رفع أسعار #كروت_الشحن سيتم قريبا الكشف عن جهاز عداد المناخير وسيتم تركيبه لكل مواطن لحساب كمية الأكسجين المستهلكة وإصدار فواتير بها".

وتساءل قنديل "#كروت_الشحن، ايه مفيش خميس يعدي من غير عكننة؟"، وتعجب عمرو عباس "شعب بقالوا سنتين بيتنفخ من كل الجهات ومش قادر ينطق كأن على رؤوسهم الطير من حق أي طاغية أن يطغى أكثر، #كروت_الشحن #مقاطعة_شركات_المحمول".

وسخر المذيع أسامة جاويش "قالك صبح على مصر بجنيه، خلاهم تلاتين وقالك لو حكمتني هخلي المتصل يدفع والمستقبل يدفع، واضح إن السيسي رايح بينا للحمام الزاجل #كروت_الشحن".

وتساءل عبدالله ساخراً "#كروت_الشحن -يعني هو كارت ب 11 جنيه وبيشحن ب 7 أومال اسمه كارت ب 10 ليه؟ - على اسم جدي؟!".

وتساءل عماد "يا ترى السوهاجي والقناوي والسيناوي والمحلاوي اللي ميه ميه والنوبة الجمال مبسوطين كدا وفرحانين برضو؟".

ودعا آخر للمقاطعة "كروت_الشحن، لو أنتم فعلاً عندكم #مبدأ متشتروش لمده 3 أيام كروت والشركات بمجرد ما تحس بالخسارة هترجعه زي ما كان ويمكن أقل، متستقلوش بكلامي".

ورد عليه رفيق "اللي عاوزين يقاطعوا شركات المحمول مش عارفين إن جهاز تنظيم الاتصالات التابع للحكومة هو اللي وافق على زيادة #كروت_الشحن؟ دول عصابة يابا".

وسخر مغرد آخر "#كروت_الشحن، أنا كان في مخيلتي يأجوج ومأجوج هيطلعوا يلاقوا حاجة في مصر يخربوها".