إغلاق منصة EgyBest يثير استياء المصريين

توقع مراقبون أن يؤدي تدشين منصة Watch iT التابعة لـ "الشركة المتحدة للخدمات الإعلامية"، التابعة للمخابرات العامة المصرية، إلى حجب منصات أخرى بديلة ومواقع مجانية للأفلام العربية والأجنبية، وهذا ما حصل بالإعلان عن إغلاق EgyBest.

وكانت Watch iT أعلنت عن احتكارها عرض 15 مسلسلاً إلى جانب مواد إعلامية تنتجها "الشركة المتحدة للخدمات الإعلامية".

وأعلنت المنصة الأشهر EgyBest، اليوم الثلاثاء، عن إغلاقها تماماً بالأمر المباشر، مما أثار استياء المتابعين عبر مواقع التواصل الاجتماعي.

فكتب العجمي: "حقيقي نهاية إيجي بيست حاجة حزينة جدا، حتى وإن كان موقع قرصنة، إيجي بيست كان رفيق سنين وله أفضال كتير".

وعلّق عبد العزيز أحمد: "حوار حجب إيجي بيست ومواقع الأفلام المقرصنة ده حاجة قذرة جدًا رغم إنه صح، وبيحصل في أي بلد محترمة بتتوفر فيها بدايل محترمة بأسعار محترمة مناسبة لمتوسط دخل الفرد.. بس الموضوع في مصر ليه أبعاد تانية.. تخيل إنك عشان تشوف مسلسلات رمضان من على منصتهم".

وأضاف محمد عكاشة: "قتلوا الفرحة جوانا، قتلوا الحاجة الوحيدة اللي ببلاش وبتبسطنا، قفلوا مواقع المشاهدة (إيجي بيست - عرب سيد - سينما فور يو - سينما كلوب - شاهد فور يو - عناكب) والباقي وسابو المواقع ال### عالم عايزة الحرق".

وكتب سيف: "حوار حجب المسلسلات من يوتيوب، بعدها حجب المواقع اللي بتنزل حلقات المسلسلات عربي وأجنبي، ده مؤذي جدا ومقرف قوي، وأكيد ده مش هيخليني أدفع اشتراك للأبليكشن بتاعكو، اشبعوا بيه، لأني ماتفرجش أو أتفرج على أفلام أو مسلسلات لايف أحسن بالنسبالي من الاستغلال ده".

وسخر إسلام: "الحكومة عملت برنامج اسمه watch it، تتفرج عليه على المسلسلات بفلوس، زي النيت فيليكس. بس ف مواقع كتير مجانية طبعا، إيجي آب وإيجي بيست وسيما فور يو، بس للأسف المواقع دي كلها النهاردة اتقفلت، ومفيش قدامك غير التليفزيون أو تدفع فلوس، وشوية شوية هاتدفع فلوس على مشيك ف الشارع، وهتدفع كارتة".

فيما جاءت تغريدة ضياء طه بطرح بديل: "فيه موقع بديل ياخوانا عن إيجي بيست، اسمه فاصل إعلاني، باتفرج منه أون لاين برضه، وحلو جداً وربنا يعوض علينا وينتقم منهم #egybest".

وكتب عمر خالد: "إيجي بيست شغال بقاله سنين بيقرصن أفلام ومسلسلات وينزلها.. طبعا لأن الأمر ماكنش بيهمّ شركات الاتصالات فكانوا سايبينهم ياكلوا عيش عادي جداً، بس أول ما البشوات عملوا أبلكيشن WatchIt اللي زي وشهم، وطبعاً التجربة كانت فاشلة بنسبة 100%، قرروا إنهم يحجبوا EgyBest وبعض مواقع قرصنة الأفلام التانية.. مش لأنها بتضر بمصلحة صناعة السينما عدم اللامؤخذة واللا حاجة.. لأ، لأنها بدأت تضر مصالحهم".

وأضاف: "البلد دي ماشية عافية، فيها كل حاجة عافية وبلطجة، وبردو الأبلكيشن مش هاينجح، وأنا شخصياً بدل ماكنت متابع إيجي بيست، هاروح أشترك في نيتفلكس، وأتابع منه الجديد، ولا إني أتعامل مع watch it، خليه يتحرق أكتر ما هو محروق".