بعد فشل مفاوضات سد النهضة... أذرع السيسي تمهد للاستغناء عن مياه النيل

لميس الحديدي على فضائية cbc، استخدمت عصا التلويح: "للصبر حدود وماينفعش نسكت لحد ما السد يتبني ويعطش المصريون، والعالم مش هينفعنا لما مانلاقيش مية، مهما كان موقفنا قانونياً ومهما صبرنا على تعنت الجانب الإثيوبي أو السوداني". ودعت الحديدي القيادة السياسية للتحرك قبل فوات الأوان.



أما عمرو أديب على فضائية OnE، فذهب لانتقاد المواطن والحكومة اللذين لا يشعران بمشكلة الفقر المائي في مصر، ودعا لتوفير استخدام المياه، ودافع عن الجانب الإثيوبي: "مافيش مؤامرة من أثيوبيا ولا حاجة وده حقهم، وكل ما تكلم حد إثيوبي يقولك إحنا تلات أرباع أثيوبيا مافيهاش كهربا".

وقال: "مشكلة الفقر المائي دي عالمية ومعظم دول الوطن العربي عندها فقر مائي، ولازم ناخد بالنا ونحاول نحافظ على المية بتاعتنا من قبل موضوع سد النهضة".


كما أعلن كامل الوزير، رئيس الهيئة الهندسية للقوات المسلحة، من خلال اتصال هاتفي مع أديب، عن إنشاء أكبر محطة لتحلية مياه الصرف الصحي والزراعي في العالم، على حد قوله، ليرد عليه ناشطون: "يعني ننسى مياه النيل... خلاص هنحلي مية الصرف".


سد النهضة شغل رواد التواصل كما شغل الأذرع الإعلامية، وانتشر وسم #سد_النهضة، والذي كانت معظم مشاركاته ضد النظام والرئيس عبد الفتاح السيسي.

الناشط اليساري كمال خليل غرد: "‏بعد إعلان فشل المفاوضات مع أثيوبيا بخصوص سد النهضة .. ماذا بعد ؟! الشعب لا يعلم شيئاً عن مصيره".

Twitter Post

وسخرت ندى: "‏عمرو أديب عمال يلطم بسبب فشل مفاوضات سد النهضة، اتصل بيه كامل الوزير بيشرحله كام محطة بتتعمل لتحلية مية البحر ومشاريع معالجة الصرف الصحي بديلاً لمياه النيل، لموا الأزايز يا جدعان متقفوش في المطر وتملوها مش هنعطش ولا حاجة".

ووافقتها زينب في السخرية: "أونكل عمرو أديب شايف أن حل أزمة المياه وموضوع بناء سد النهضة أننا نوفر نقطة المية جنب نقطة المية وبكدة نوفر مياه كتير".

ونشر "سيد بوخاريست" صورة السيسي بصحبة رؤساء أثيوبيا والسودان، وقال: "وزير الري #بيقول تعثر مفاوضات سد النهضة مع أثيوبيا والسودان، #طب يسال الأخ اللي بيلعب كلوا بامية مضى ع الاتفاقية ليه؟".

Twitter Post

بدوره، عبر علاء عن إحباطه فقال "زمان موضوع سد النهضة دا يقلب البلد وصدمة وازاي وفين، دلوقتِ من كم الإحباط واليأس مابقتش فارقة إن شالله نتضرب بنووي.. محصلة بعضها".

وسخر "ابن مصر": "المشكلة دلوقتِ إننا هنلاقى إعلام السيسى طالع بيوضح ما هى فوائد نقص المياه على مصلحة المواطن حين الانتهاء من بناء #سد_النهضة".

Twitter Post

Twitter Post