"#الجوكر_يمثلني_ليه" يثير اهتمام المغردين المصريين

تزامناً مع الثورة المصرية في يناير/ كانون الأول عام 2011، ظهرت على الساحة مجموعة "يوتيوبرز" تولوا صناعة محتوى مصور ونشره على قنواتهم عبر موقع "يوتيوب"، وكان بينهم المعالج النفسي تامر جمال الذي ابتكر شخصية "عطوة كنانة" التي كسبت شهرة واسعة في البلاد.

وأخيراً ظهر تامر جمال مبتكراً شخصية "الجوكر المصري"، ووضع خطة لتكوين خلايا ثورية في كل محافظات مصر، على أن تكون كل خلية مكونة من سبعة أفراد فقط، وتعمل باستقلالية، ولا ترتبط بأي نوع من التواصل مع الخلايا الأخرى، بل تحصر تواصلها معه، عبر حساباته على مواقع التواصل الاجتماعي.

الفكرة لاقت قبولاً، واهتم بها رواد مواقع التواصل الاجتماعي، ليصل وسم "#الجوكر_يمثلني_ليه" إلى قمة الأكثر تداولاً على موقع "تويتر" في مصر.

غرّد نصر الدين: "#الجوكر_يمثلني_ليه أصبح هذا الهاش ترند ليه؟ لأن #الجوكر_يمثلني_ليه هو الوحيد الذي نهض بالشباب من تحت تراب اليأس، وحرّكهم في وجود الخوف وأخرج لنا أملاً جديداً، أنا شخصياً لي أكثر من سنتين أكتب #نازلين، وكتير هاجموني ولكني كملت وفرحت جداً بفكرة الجوكر ومعه حتى النصر إن شاء الله".

وكتبت بوسي: "آه أكيد يمثلني عشان باكره الظلم، باكره حكم البيادة، آه يمثلني عشان أختي وأختك اللي في سجن #السيسي، آه الجوكر يمثلني عشان نفسي أشم ريحة الحرية، آه يمثلني عشان صاحبتي اللي اتحرمت من مامتها، بسبب إنها قالت لبلحة ارحل، آه يمثلني عشان مصر باحبها كتير، ونفسي تتحرر من جيش صهيون #الجوكر_يمثلني_ليه".

وشاركت ريم: "#الجوكر_يمثلني_ليه ليه والله من غير تفكير علشان الحرية، علشان البنت المصرية ما تتسحلش، علشان الكرامة، علشان ألاقي شغل، علشان العسكري ما يعملشي بتي فور، علشان الجماهير ترجع للمدرجات، علشان المعتقلين يخرجوا، علشان تبقى بلد بجد، مش عسكرية، علشان القيم والأخلاق يرجعوا تاني".

وغرّد هادي: "عشان حق الشهيد يرجع، عشان حقك في حياة كريمة، عشان كل معتقل يشوف النور من تاني، عشان الوطن المنهار يتبني من تاني، عشان حريتك وحرية عيالك، عشان أمنك وأمن بيتك، عشان انت تستاهل أحسن من العيشه اللي فيها ذل، عشان إنت معرض للإهانة في أي وقت #الجوكر_يمثلني_ليه".

وعرض أمير مصطفى أسبابه: "#الجوكر_يمثلني_ليه؟ الجوكر هو فكرة حركة المجموعة المنظمة، ودي أكتر حاجة بترعب العسكر، لأن الإخوان وألتراس أهلاوي وألتراس الوايت نايتس، مجموعات منظمة، فكانت عاملة كابوس للعسكر، فلما غفلت هذه المجموعات عن خسة العسكر، تمكن العسكر منهم فقتلهم واعتقلهم وحل مجموعاتهم #الخليه_الثوريه".

وتابع أيمن عامر: "#الجوكر_يمثلني_ليه لأنها أكبر فكرة للحشد المنظم في الفترة الأخيرة لجميع الشباب، ربما منذ بداية الانقلاب لم نشهد فكرة ثورية مثل هذه، أدعم #الجوكر مع الاعتراف بالعجز الشخصي للانضمام".

وشارك حساب فانديتا باقتراح: "أظن مش صعب على أي حد إنه يكتب على الفلوس "الجوكر المصري"، انشروا الفكرة بأي طريقة آمنة، خلوا مصر كلها تعرف إن فيه ناس قادرة تقف في وش الظلم، ولو بكلمة هاتكتبها #الجوكر_يمثلني_ليه".